CONGRATULATIONS!

November 2009 a State Bank of India Clerical Examna final result tuni(30/09/2010) in puan khiak hita. Tua result ah Hyderabad Eimite lak apan minih tel kha. Amaute ahih leh Unaupa Sanga Hauzel leh Unaupa Chingoulun ahi uh. Result tuni a suak pan ahih man in koi a join ding, bangchik chiang a join ding uh chih theih hinailou.

A lohchinna uh iki pahpih chiat ua, maban a ahong lohching touh zel i deihsak thu i puang ahi.

Once again CONGRATULATIONS!

Tua clerk exam toh akisai khate'n anuai a link kipia ah result a et theih ding.
http://www.sbi.co.in/user.htm?action=sbiClericalStaffResult

REVIVAL CAMP

Ahong tung ding nisim 30/9/2010 apan in 3/10/2010 sung Eimi Christian Fellowship, Hyderabad in Operation Mobilisation Campus, Jeedimetla, Secunderabad ah REVIVAL CAMP zang ding a, tua hun ah Evan. Timothy Tuolor in “ESCAPE FOR YOUR LIFE”(Genesis 19:17) pansan in Hyderabad Eimite nasatak in chialpi ding. Tua camp ah lutman/ registration fee chihte bangmah omlou ding a, sum leh pai abei zahzah ECF, Hyderabad in seng vek ding hi. Tua kia hilou in camp lutte kuan le pai man leng ECF, Hyderabad in a piak sak ding.

Theme: “ESCAPE FOR YOUR LIFE” –Genesis 19:17
Speaker: Evan. Timothy Tuolor
Duration: 30th September – 3rd October 2010
Venue: Operation Mobilisation Campus, Jeedimetla, Secunderabad, A. P.

Hiai camp ahong lohching na ding in i thumna ua phawk ni.

Camp toh kisai thuchian theinuam te’n
Camp Director Pu Noble P. Singson (Chairman ECF, Hyderabad)
9885470704.

HYD'EA ANNUAL SPORTS MEET 2010

HYD'EA ANNUAL SPORTS MEET 2010
Apaita 10-11 September in HYD'EA Annual Sports Meet 2010, Gymkhanna Ground ah lohchingtak a zoh hita chih thutut ngah. Hiai sport meet hun ah Hyderabad a om EIMIte group 4 viz-Green, Blue, Yellow leh Red in kikhen a, tu group tuamtuamte kal ah kitaitehna nasa tak om hi. Kitaitehna tuamtuamte ahih leh Football (Men), volleyball (Men & Women) leh basketball (Men & Women) ahi. Mimal(individual) kitaitehna ah 100 metre race leh shot put om hi.

Kumdang banglou tak in kimawlna zinglam dak 9 in kipan a, nitak lam khomial matan ki sunzom hi. A tawp ni in lawmman tuamtuamte piak khiakna neih ahih zoh in Rev. Paothang Haokip, Pastor, Good Shepherd Community Church in thumna tawh hiai hun khak na nei hi. Mipi te'n khe lah aam tak in Gymkhanna Ground ki nuse nainai a, kuapeuh in kumnawn a ding ngak lah mahmah hi dan in leng thutut kingah hi.

Hiai sport meet tup leh ngim ahih leh kuate hat pen hiam chih etna hizawlou in Hyderabad sunga om EIMIte lak a ki kitheihtuah semna leh kingaihnat semna na ding ahi zaw.